Kamçatkada yerləşən Avaçinsk körfəzində zəhərli yosunların kütləvi şəkildə çiçəklənməsi müşahidə olunub. Lakin alimlər bu hadisənin hazırda insan üçün ciddi təhlükə yaratmadığını bildirirlər. "Gazeta.Ru" nəşrinin yazdığına görə, Uzaq Şərq Federal Universitetinin Dünya Okeanı İnstitutunun direktoru Kirill Vinnikov qeyd edib ki, mikroyosunların kütləvi yayılması zamanı təhlükəli toksinlər hər zaman böyük miqdarda yaranmaya bilər. Hazırda dəniz canlılarının kütləvi ölməsi və güclü köpüklənmə kimi halların müşahidə edilməməsi səbəbindən panikaya əsas yoxdur. Bununla belə, ehtiyat tədbirlərinə riayət etmək tövsiyə olunur: sahil zonasına yaxın yerlərdə çimməmək və həmin ərazidə tutulan dəniz məhsullarını istehlak etməmək.

Vinnikov vurğulayıb ki, zərərli yosun çiçəklənməsi Kamçatka və Uzaq Şərqin digər bölgələri üçün adi bir hadisədir. Alimlərin bildirdiyinə görə, Alexandrium tamarense növünə aid mikroyosunlar müəyyən şəraitdə insan üçün təhlükəli olan neyrotoksin – sakshitoksin istehsal edə bilər.

Bundan əvvəl həkim Vladislav Jemçuqov suyun rənginin dəyişdiyi göllərdə çimməkdən çəkinməyə çağırmışdı.