Apple-ın yeni əməliyyat sistemlərinin beta test mərhələsinin başlanma tarixi açıqlanıb. Nüfuzlu insayder Mark Gurman-ın verdiyi məlumata görə, 23 iyul tarixindən etibarən Apple istifadəçiləri aşağıdakı əməliyyat sistemlərinin ictimai beta testlərinə qoşula biləcəklər: iOS 26, iPadOS 26, macOS 26, tvOS 26, watchOS 26, HomePod Software 26, və AirPods Firmware. Maraqlıdır ki, Apple-ın rəsmi saytında VisionOS 26 əməliyyat sisteminin test mərhələsi ilə bağlı heç bir məlumat yer almır.

Apple ekosistemindəki bu yenilənmələrin əsas xüsusiyyəti "Liquid Glass" adlı vizual üslub olacaq. Bu üslub daha şəffaf və işıqlı elementlər təqdim edəcək, eyni zamanda şüşə parıltısını və işığın sınmasını imitasiya edən animasiyalarla zənginləşdiriləcək. Bu, istifadəçilər üçün daha estetik və innovativ bir təcrübə vəd edir.