MacRumors nəşri Apple şirkətinin daxili kodlarını araşdıraraq, hazırda inkişaf etdirilən bir sıra cihazları aşkar edib. Kod məlumatlarına əsasən, Apple hal-hazırda iPhone 17e modelini inkişaf etdirir. Bu cihaz flaqman Apple A19 çipi ilə təchiz olunacaq və iPhone 17 seriyasının əsas modeli olacaq. Bundan əlavə, başlanğıc səviyyəli iPad tablet A18 çipi ilə, daha güclü A19 Pro çipi ilə təchiz edilmiş iPad mini modeli üzərində iş gedir.

Şirkət eyni zamanda bir neçə HomePod mini ağıllı səs kolonları (S9, S10 və S11 çipləri ilə), Apple TV cihazı (A17 Pro çipi ilə), Vision Pro adlı yeni nəsil şlem (M5 çipi ilə) və Studio Display monitorunun növbəti nəsli üzərində iş aparır.

MacRumors ekspertlərinin fikrinə görə, bu yeniliklərin əksəriyyəti 2025-2026-cı illərdə bazara çıxacaq. Lakin, iPad mini modelinin IPS-dən OLED ekran texnologiyasına keçməsi səbəbindən təqdimatının 2027-ci ilə qədər təxirə salınması mümkündür.

Apple ənənəvi olaraq təqdim edilməmiş cihazlar haqqında şərh verməkdən çəkinir. Şirkətin növbəti təqdimatı iPhone 17, 17 Air, 17 Pro və 17 Pro Max modellərinə həsr olunacaq. Tədbir çərçivəsində digər yeniliklərin də təqdim edilə biləcəyi ehtimal edilir, lakin bu barədə dəqiq məlumat yoxdur. Şayiələrə əsasən, təqdimat 9 sentyabr tarixində baş tutacaq.