Apple Watch Ultra-nın yeni modeli daha böyük ekranla təqdim olunacaq. Bu məlumat iOS 26-nın sonuncu beta versiyasından əldə edilən təsvirlərdə təsdiqlənib. Təqdim olunan məlumatlara görə, yeni model əvvəlki modellərdən daha böyük ekran ölçüsünə malik olacaq.

MacRumors nəşrinin müəllifi Aaron Perrisin verdiyi məlumata əsasən, əməliyyat sisteminin kodunda aşkar edilən məlumatlar yeni Apple Watch Ultra 3 modelinin 422 x 514 piksel ekran çözünürlüğünə malik olacağını göstərir. Bu isə mövcud Apple Watch Ultra 2-nin 410 x 502 piksel çözünürlüğü ilə müqayisədə ekran ölçüsündə artımı təsdiqləyir. Həmçinin, yeni modelin korpusu əvvəlki kimi qalacaq və ekran sahəsinin artırılması çərçivələrin daraldılması ilə təmin ediləcək.

Gözlənilir ki, Apple bu payızda iPhone 17 və Apple Watch Series 11 modelləri ilə birlikdə Apple Watch Ultra 3-ü də təqdim edəcək. Mövcud məlumatlara görə, yeni model peyk əlaqəsi funksiyasına, daha parlaq və yüksək yeniləmə tezliyinə malik ekrana, yeni çipə və sağlamlıqla bağlı əlavə funksiyalara, o cümlədən qan təzyiqinin monitorinqinə sahib olacaq.