Apple şirkəti iPhone 17 modelinin təqdimatından sonra altı yeni cihazı bazara çıxarmağı planlaşdırır. Bu barədə Tekno Burada platforması məlumat yayıb.

Apple TV-nin yeni modeli

Apple TV yenilənmiş modelində A17 Pro prosessoru və Wi-Fi 6E/7 dəstəyi ilə gələcək. Bu, cihazın performansını və axın keyfiyyətini artıracaq. Siri səsli köməkçisi ilə daha dərin inteqrasiya da gözlənilir.

HomePod mini-də dəyişikliklər

HomePod mini ağıllı kolonkası S9 və ya daha yeni prosessorla təchiz ediləcək. Cihaz Wi-Fi 6E/7 və ikinci nəsil UWB çipi ilə gələcək. İstifadəçilərə daha yaxşı səs keyfiyyəti və yeni rəng variantları təqdim ediləcək.

AirTag trakerinin yeni nəsli

AirTag trakeri üç dəfə daha geniş iş diapazonu, daha güclü dinamik və batareya azaldığı zaman xəbərdarlıq sistemi ilə təkmilləşdiriləcək.

iPad Pro 2025

2025-ci il iPad Pro modeli Apple M5 çipi və ikili selfie kamerası ilə təchiz ediləcək. Bu kamera portret və albom orientasiyasında videozəngləri daha rahat edəcək.

Vision Pro qarışıq reallıq cihazı

Vision Pro qarışıq reallıq cihazı M4 və ya M5 prosessoru ilə təqdim ediləcək. Cihazın konstruksiyasına dəyişikliklər və Space Black adlı yeni rəng seçimi gözlənilir.

Studio Display 2 monitoru

Studio Display 2 modeli Mini-LED işıqlandırması ilə gələcək. Monitorun 2025-ci ilin sonu və ya 2026-cı ilin əvvəllərində bazara çıxacağı gözlənilir.

MacBook Pro və iMac yenilikləri

MacBook Pro, iMac və Mac mini modellərinin təkmilləşdirilmiş versiyaları isə yalnız 2026-cı ildə təqdim olunacağı bildirilir.