Çində İlk Dəfə: 5 Metrlik Təkrar İstifadə Olunan Kosmik Modul İstehsal Edildi

Çin Raket Daşınma Texnologiyaları Akademiyası Pekində ilk dəfə 5 metrlik diametrə malik kompozit raket modulu istehsal edib. Bu, təkrar istifadə olunan buraxılış vasitələri üçün ölkədə indiyədək hazırlanmış ən böyük kompozit hissədir və milli kosmik layihələrdə istifadə olunacaq.

Modulun 60 faizdən çoxu kompozit materiallardan ibarətdir. Onun yüngül divar panelləri 1000 ton oxial yükə tab gətirir. Modul özünü tənzimləyən interfeyslərlə təchiz olunub, bu da onun funksionallığını artırır.

İstehsal prosesi konseptual dizayndan son məhsulun hazırlanmasına qədər cəmi 7 ay çəkib. Tədqiqat qrupu yüksək dəqiqlikli böyük kompozit struktur istehsalında bir sıra texniki çətinlikləri aradan qaldırıb və yeni standart müəyyən edib.

Çin yaxın aylarda təkrar istifadə olunan raket modelinin əsas bərpa testini keçirəcək. Bu addım kosmik missiyaların maliyyətini azaltmaq və onların effektivliyini artırmaq məqsədi daşıyır.

Çinin bu uğuru təkrar istifadə olunan raket texnologiyasında mühüm irəliləyişdir və gələcək kosmik səyahətlər üçün yeni imkanlar açır.