Çində süni intellektlə hazırlanmış COVID-19 dərmanı ilk dəfə təsdiqləndi

Çində Mprosevir adlı yeni COVID-19 dərmanı yüngül və orta ağır xəstələrin müalicəsi üçün təsdiqlənib. Bu dərmanın hazırlanmasında süni intellektdən geniş istifadə olunub. Alqoritm 49 milyard molekulu analiz edərək, bir neçə gün ərzində 9 perspektivli namizəd seçib, onlardan 6-sı yüksək aktivlik göstərib. Sonrakı iki il ərzində alimlər dərmanın strukturunu optimallaşdıraraq onun effektivliyini artırıb və toksiklik səviyyəsini azaldıblar. Mprosevir Çində ilk dəfə süni intellektin əsas rolu ilə yaradılmış birinci sinif innovativ dərman kimi qiymətləndirilir. Bu nailiyyət süni intellekt texnologiyasının dərman hazırlanmasında əhəmiyyətli irəliləyiş olduğunu göstərir və pandemiya ilə mübarizədə yeni ümidlər yaradır.