Çində 2027-də tam robototexnika ilə idarə olunan ilk otel açılacaq – Gələcəyin səyahəti burada!

Çində, West adlı süni adada yerləşən yeni otel 2027-ci ildə tamamilə robotlar tərəfindən idarə olunacaq. Pudu Robotics şirkəti və Shenzhen Culture & Tourism Industry Development birgə həyata keçirdikləri layihə çərçivəsində, insan müdaxiləsi olmadan xidmət göstərən ilk otel açılacaq.

West adası 2025-ci ilin dekabrında istifadəyə verilib və sürətlə texnoloji turizm mərkəzinə çevrilir. Bu ada robototexnika sahəsində innovasiyaların nümayiş olunduğu əsas məkanlardan biri olacaq. Otel də bu mərkəzin əsas hissələrindən biri sayılır.

Oteldə 44 komfortlu otaq, restoran, trenajor zalı və digər xidmət sahələri fəaliyyət göstərəcək. Xidmətlərdə bir neçə robot modeli iştirak edəcək: FlashBot içkiləri satacaq, T300 baqajı daşıyacaq, CC1 Pro və MT1 robotları təmizlik işlərini yerinə yetirəcək. Həmçinin, BellaBot Pro robot barista kimi fəaliyyət göstərir, KettyBot Pro isə ofisiant rolunu oynayacaq.

Otel PuduFM 1.0 əsaslı intellektual idarəetmə sistemi və PuduAgent platforması vasitəsilə idarə olunacaq. Bu sistemlər robotların fəaliyyətini sinxronlaşdıraraq, qonaqlara fasiləsiz və səmərəli xidmət göstərilməsini təmin edəcək.

Otelin sınaq açılışı 2026-cı ilin sonunda planlaşdırılır. Bu mərhələdə məhdud sayda otaq və robot xidmətləri təqdim olunacaq. Layihə tam başa çatdıqdan sonra West adası robototexnika və texnoloji turizm sahəsində yeni simvola çevriləcək.

Bu yenilik insan əməyinə olan ehtiyacı minimuma endirərək, qonaqlara unikal və intellektual təcrübə təqdim etməyi hədəfləyir. Robotların xidmət sahəsində artan rolu gələcəyin otelçilik sənayesini kökündən dəyişə bilər.