DTX-nin kibertəhqiqatı: Azərbaycanda təhlükəsizlik necə yeni səviyyəyə yüksəlir?

DTX-də kibertəhqiqat istiqaməti fəaliyyətə başlayıb

Azərbaycanda Dövlət Təhlükəsizliyi Xidmətinin (DTX) tərkibində kibertəhqiqat istiqaməti fəaliyyətə başlayıb. Bu barədə DTX-nin Milli Kibertəhlükəsizlik Mərkəzinin rəisi Davud Rüstəmov "4-cü Milli Kibertəhlükəsizlik Forumu" çərçivəsində keçirilən "Milli Kibertəhlükəsizlik Ekosistemi" mövzusunda sessiyada məlumat verib.

Rüstəmov bildirib ki, kibertəhqiqatın prosessual və kibertədqiqat istiqamətlərinin tandem şəklində işləməsi kibertəhdidlərə qarşı mübarizədə mühüm irəliləyişlərə səbəb olur və bu sahədə ciddi nəticələr əldə etmək hədəflənir.

O əlavə edib ki, mütləq sürətdə dövlət-özəl tərəfdaşlığının gücləndirilməsi, süni intellekt əsaslı müdafiə mexanizmlərinin inkişaf etdirilməsi, risklərin qiymətləndirilməsi və böyük həcmli məlumatlarda yeni risklərin yaranmaması üçün süni intellekt həllərinin artırılması istiqamətində təşəbbüslər artırılmalıdır.

Beynəlxalq əməkdaşlıqdan danışan D.Rüstəmov qeyd edib ki, Azərbaycanın dünyanın 160 kibertəhlükəsizlik mərkəzi ilə əlaqə nöqtələri var. Budapeşt Konvensiyası çərçivəsində 24/7 əlaqə kanalı vasitəsilə kibercinayətkarlıq hallarının araşdırılması istiqamətində tədbirlər görülür. Həmçinin, BMT-nin yeni qəbul olunmuş və Azərbaycanın ilk ratifikasiya etdiyi kibertəhlükəsizliklə bağlı konvensiyası üzərində də işlər davam edir.

Bu inkişaflar kibertəhlükəsizliyin qorunması sahəsində həm texnoloji yenilikləri, həm də dövlət və cəmiyyət üçün daha etibarlı rəqəmsal mühitin yaradılmasını təmin edir.