Google süni intellekt əsasında yeni bir funksiya istifadəyə verib - Flight Deals. Bu funksiya Google Flights platformasına inteqrasiya olunmuş süni intellekt aləti kimi fəaliyyət göstərir və adi filtrlərdən fərqli olaraq, biletləri istifadəçilərin təsvirinə əsasən axtarır. Məsələn, “qışda bir həftəlik, əla mətbəxi olan şəhər, yalnız birbaşa reyslər” və ya “bir həftəlik göl səyahəti” kimi sorğu yazmaq kifayətdir. Süni intellekt yüzlərlə aviaşirkət və aqreqatorların məlumatlarını real vaxtda analiz edir və ən sərfəli variantları təqdim edir. Funksiya hazırda beta mərhələsindədir və yalnız ABŞ, Kanada və Hindistanda mövcuddur.

Flight Deals siyahını maksimum qənaət meyarına görə qurur - əvvəlcə ən yüksək endirim faizinə malik variantları göstərir, eyni olduqda isə daha aşağı ümumi qiymətə görə sıralayır. Süni intellekt, hətta “şəhərdən kənara çıxmaq, meşə cığırlarında gəzinti və qayıqla çayda üzdüyünüz bir həftəsonu” kimi qeyri-müəyyən sorğuları da anlayır və uyğun marşrutlar təqdim edir. Google həmçinin "basic economy" seçimlərini çıxarmaq imkanı əlavə edib - ən ucuz, lakin baqaj və oturacaq məhdudiyyətli tariflərdən ibarət olan seçimlər.

Bundan başqa, şirkət tənzimləyici qurumların araşdırmaları fonunda ehtiyatlı davranır. Belə ki, Avropa Birliyi orqanlarını sakitləşdirmək üçün interfeysə bəzi dəyişikliklər hazırlayır, məsələn, axtarışda qiymət müqayisə bloku kimi funksionallıqlar əlavə edilir. Google, süni intellektin turizm və aviabiletlər sahəsində daha geniş tətbiqi üçün bu funksiyanı inkişaf etdirməkdə davam edir.