Google şirkətinin Made by Google tədbirində Pixel 10 seriyası smartfonları rəsmi olaraq təqdim edildi. Seriyaya Pixel 10, Pixel 10 Pro və Pixel 10 Pro XL modelləri daxildir. Bu cihazlar texniki xüsusiyyətləri ilə bir-birindən fərqlənir. Pixel 10 modeli 6.3 düymlük OLED Actua ekranla təchiz olunub. Ekranın təsvir yenilənməsi 60 Hz-dən 120 Hz-ə qədər dəyişir və 2424x1080 piksel keyfiyyətini təmin edir. Pixel 10 Pro modeli isə 6.3 düymlük Super Actua LTPO OLED ekranla gəlir, təsvir yenilənməsi 1 Hz-dən 120 Hz-ə qədər dəyişir və 2856x1280 piksel keyfiyyətini dəstəkləyir. Pixel 10 Pro XL modeli isə daha böyük, 6.8 düymlük Super Actua LTPO OLED ekranla təchiz olunub və təsvir yenilənməsi 1 Hz-dən 120 Hz-ə qədərdir. Ekranın maksimal parlaqlıq səviyyəsi Pixel 10 və Pixel 10 Pro modellərində 3000 nit, Pixel 10 Pro XL modelində isə 3300 nit təşkil edir. Hər üç cihaz Gorilla Glass Victus 2 şüşəsi ilə qorunur və IP68 standartına uyğun olaraq sudan və tozdan qorunma xüsusiyyətinə malikdir. Cihazların performansı Google-un 3 nanometrlik Tensor G5 prosessoru ilə təmin olunur. Pixel 10 modeli 12 GB RAM və 128/256 GB daxili yaddaş ilə gəlir. Pixel 10 Pro modeli 16 GB RAM və 128/256 GB/1 TB yaddaşa, Pixel 10 Pro XL modeli isə 16 GB RAM və 256/512 GB/1 TB yaddaşa sahibdir. Kamera baxımından Pixel 10 modeli 48 MP + 13 MP + 10.8 MP üçlü arxa kameraya və 10.5 MP-lik ön kameraya malikdir. Pixel 10 Pro və Pixel 10 Pro XL modelləri isə 50 MP + 48 MP + 48 MP üçlü arxa kameraya və 42 MP-lik ön kameraya sahibdir. Batareya tutumu cihazlardan asılı olaraq dəyişir: Pixel 10 modeli 4970 mAh enerji tutumlu batareya ilə təchiz olunub və 30 vatt gücündə sürətli şarj texnologiyasını dəstəkləyir. Pixel 10 Pro modeli 4870 mAh enerji tutumlu batareya ilə gəlir və 30 vatt sürətli şarjı dəstəkləyir. Pixel 10 Pro XL modeli isə 5200 mAh batareya ilə təchiz olunub və 45 vatt gücündə sürətli şarjı dəstəkləyir. Hər üç model naqilsiz şarj texnologiyasını dəstəkləyir: Pixel 10 və Pixel 10 Pro modelləri 15 vatt gücündə, Pixel 10 Pro XL modeli isə 25 vatt gücündə naqilsiz şarj imkanı təqdim edir. Smartfonlar Android 16 əməliyyat sistemi ilə çalışır və 7 il ərzində Android dəstəyini əldə edəcək. Pixel 10 modelinin qiyməti 799 ABŞ dollarından, Pixel 10 Pro modelinin qiyməti 999 ABŞ dollarından, Pixel 10 Pro XL modelinin qiyməti isə 1199 ABŞ dollarından başlayır. Cihazların bu ayın sonunda satışa çıxarılması planlaşdırılır.