Tesla şirkətinin rəhbəri İlon Mask robot ordusu yaratmaq və onu idarə etmək arzusunu dilə gətirib. Bu barədə o, üçüncü rüb üzrə hesabat təqdimatı zamanı telefon konfransı zamanı danışıb. Mask, Tesla şirkətindəki gələcək mövqeyindən narahat olduğunu və robotların yaradılması prosesində daha çox təsirə malik olmağı arzuladığını bildirib.

Mask 'Əgər böyük bir robot ordusu yaratsam, Tesla mənə nə qədər pul və nəzarət verəcək? Gələcəkdə məni işdən çıxarmazlarmı?' sualı ilə şirkət səhmdarlarına müraciət edib. Electrek jurnalistlərinin məlumatına görə, əvvəlcə Mask 'Optimus' humanoid robotlarını tam nəzarətinə almaq istədiyini desə də, sonradan fikrini dəyişərək 'güclü təsir' və robotları idarə etmək imkanlarını nəzərdə tutduğunu izah edib.

Tesla-nın Direktorlar Şurası Mask-a şirkətdən 1 trilyon dollar dəyərində rekord miqdarda səhmlər ayırmaq təklifi ilə çıxış edib. Mask artıq şirkətin ən böyük səhmdarıdır və bu addımla o, Tesla-da daha güclü mövqe qazana bilər.

Bununla belə, Electrek jurnalistləri narahatlıq ifadə edərək qeyd ediblər ki, Tesla həqiqətən robot ordusu yaratsa, bu texnoloji yenilik yalnız bir şəxsin nəzarəti altında ola bilər. Belə bir ssenari insanlıq üçün təhlükə ola bilərmi? Bu sual Mask-ın açıqlamaları ilə yanaşı müzakirələrə səbəb olub.