DxOMark laboratoriyasının mütəxəssisləri iPhone 17 Pro Max modelinin kameralarını test edərək 168 bal ilə qiymətləndiriblər. Bu nəticə cihazı qlobal mobil fotoqrafiya reytinqində üçüncü yerə yüksəldib. Lakin yüksək qiymətləndirməyə baxmayaraq, model bəzi rəqiblərinə uduzub. Oppo Find X8 Ultra iPhone 17 Pro Max-i bir balla qabaqlayıb, reytinqin lideri Huawei Pura 80 Ultra isə 175 ball ilə daha yuxarı nəticə göstərib. Müqayisə üçün Samsung Galaxy S25 Ultra 151 ball ilə yalnız 21-ci sırada yer alıb.

Kameranın üstünlükləri

Mütəxəssislər iPhone 17 Pro Max kameralarını bir sıra üstünlükləri ilə fərqləndiriblər. Videoyazı keyfiyyəti sinifində ən yaxşı olaraq tanınıb. Kameranın müxtəlif fokus məsafələrində hamar böyütmə imkanı və portret rejimi xüsusilə diqqət çəkib. Portret rejimi dəqiq rəng ötürmə, təbii dəri tonları və balanslı ekspozisiya ilə fərqlənib.

Çatışmazlıqlar

Bununla yanaşı, cihazın kamerasında bəzi çatışmazlıqlar da qeydə alınıb. Az işıqlandırma şəraitində və qapalı məkanlarda şəkillərdə səs-küy səviyyəsi nəzərə çarpır. Orta böyütmə səviyyələrində isə detallılığın azalması müşahidə olunub.

Bu test nəticələri cihazın yüksək texnoloji imkanlarını göstərsə də, bəzi sahələrdə təkmilləşdirmə ehtiyacını ortaya qoyur. iPhone 17 Pro Max mobil fotoqrafiyada irəliləyişlərə nail olsa da, rəqibləri ilə müqayisədə bəzi çatışmazlıqlar hələ də qalır.