“Apple” sentyabrın 9-da təqdim edilməsi gözlənilən “iPhone 17 Pro” üçün 128 GB başlanğıc variantını ləğv edəcək. “Qafqazinfo” xarici mətbuata istinadən xəbər verir ki, şirkət birbaşa 256 GB yaddaşa malik modeli təklif edəcək. Bu, xüsusilə “ProRes” video kimi böyük fayllarla işləyən istifadəçilər üçün 128 GB-ın qeyri-kafi olduğuna dair tənqidlərə cavabdır. Yaddaşın ikiqat artması qiymətlərin artıb-artmayacağı sualını doğurur, çünki 128GB və 256GB “iPhone 16 Pro” versiyaları arasında 100 dollar qiymət fərqi var. Yeni modeldə isə bunun necə olacağı hələlik açıqlanmayıb.