Ulduz sevərlər bu gecə möhtəşəm bir səma şousuna şahidlik edə biləcəklər. İllik Perseid meteor yağışı bu gecə və sabah zirvəyə çatacaq. NASA-nın məlumatına görə, bu möhtəşəm kosmik hadisə keçən ay başlayıb və 23 avqustda sona çatacaq.

Perseid meteor yağışını Şimal Yarımkürəsində, xüsusilə sübh saatlarında izləmək ən yaxşı seçimdir. Bununla yanaşı, bəzi hallarda bu parlaq kosmik işıqların axınını saat 22:00-dan etibarən müşahidə etmək mümkündür.

NASA-nın verdiyi məlumata görə, yağış zamanı saatda təxminən 50-100 meteor görünür. Meteoritlər atmosferdə saatda təxminən 59 kilometr sürətlə hərəkət edir.

Perseid meteorlarının hər biri 26 kilometr genişliyində olan Swift-Tuttle adlı kometin kiçik hissəcikləridir. Bu komet hər 133 ildə bir Günəşin yaxınından keçir. Meteor yağışı Yer kürəsinin bu kometin qalıqları ilə toqquşduğu zaman baş verir və nəticədə atmosferdə ulduz kimi parlaq izlər yaranır.