Rusiyada radioterapiyanın yan təsirlərini azaldan yeni preparat hazırlandı

Rusiyada ionlaşdırıcı şüalanmanın orqanizmə vurduğu zərəri azaltmaq üçün yeni preparat hazırlanıb. Bu preparat radioprotektor kimi fəaliyyət göstərir və sağlam toxumaların qorunmasını təmin edir.

Rusiya Səhiyyə Nazirliyinin Milli Tədqiqat Radiologiya Mərkəzinin (NMIÇ) hazırladığı bu dərman radioterapiyanın yan təsirlərini minimuma endirmək məqsədi daşıyır. Hazırda preparat ekspertizadan keçir və onun geniş tətbiqi üçün əlavə sınaqlar tələb olunur.

Bu preparat yalnız kliniki radioterapiyada deyil, həmçinin texnogen fövqəladə hallar zamanı radioloji təhlükəsizliyin təmin edilməsində də vacib rol oynayacaq.

Rusiya Elmlər Akademiyasının akademiki, NMIÇ-in baş direktoru Andrey Kaprin bildirib ki, bu yenilik ionlaşdırıcı şüalanmanın mənfi təsirlərini azaltmaq üçün önəmli addımdır.

Radioterapiya alan xəstələr üçün yan təsirlərin azaldılması onların həyat keyfiyyətinin yaxşılaşmasına səbəb olacaq. Preparatın geniş istifadəsi hələ erkəndir, lakin gələcəkdə onkoloji müalicələrdə əhəmiyyətli yeniliklərə səbəb ola bilər.