Samsung şirkəti yeni orta büdcəli smartfonu olan Galaxy A17 5G-ni təqdim edib. Bu cihaz, böyük ölçülü ekranı, Exynos prosessoru və orta həcmli batareyası ilə diqqət çəkir. Galaxy A17 5G, 90 Hz təsvir yenilənməsinə malik Full HD+ keyfiyyətli 6.7 düymlük Super AMOLED ekranla təchiz olunub. Ekranın maksimal parlaqlıq səviyyəsi 800 nit təşkil edir və Gorilla Glass Victus qoruyucu şüşəsi ilə əhatə olunub. Bundan əlavə, cihazın gövdəsi IP54 standartı üzrə sudan və tozdan qorunma özəlliyinə malikdir.

Smartfon, Exynos 1330 prosessoru ilə çalışır və 4/6/8 GB RAM ilə 128/256 GB daxili yaddaş həcmini dəstəkləyir. Kamera xüsusiyyətləri baxımından Galaxy A17 5G, 50 MP + 5 MP + 2 MP üçlü arxa kameraya və 13 MP-lik ön kameraya sahibdir. Batareya texnologiyasında isə cihaz, 25 vatt gücündə sürətli şarj texnologiyasını dəstəkləyən 5000 mAh enerji tutumlu batareya ilə təchiz olunub.

Samsung-un verdiyi məlumata görə, bu yeni smartfon 6 il ərzində Android və təhlükəsizlik yeniləmələri dəstəyi ilə təmin ediləcək. Galaxy A17 5G artıq satışa çıxarılıb və cihazın qiyməti 240 avrodan başlayır.