ABŞ-da İlk Stablecoin Bankı: Sony-nin Rəqəmsal Valyuta Sənayesində Böyük Addımı

Sony Bank ABŞ-da stablecoin əməliyyatlarını dəstəkləyəcək yeni trust bank filialı yaratmaq üçün şərti təsdiq alıb. Yeni filial Connectia Trust, National Association adlanacaq və Nyu-Yorkda yerləşəcək. Sony Bank filialın 100%-nə sahibdir və onun kapitalı 40 milyon dollar (təxminən 68 milyon manat) təşkil edəcək.

Stablecoin bazarında liderlər USDT və USDC-dir. Son ayda stablecoin əməliyyatlarının həcmi 1.79 trilyon dolları ötüb, bazar kapitalizasiyası isə 311 milyard dollar səviyyəsindədir. Sony Bank isə stablecoin buraxmaq niyyətində deyil, ancaq stablecoin əməliyyatlarının idarə olunmasını dəstəkləməyi planlaşdırır.

Connectia Trust stablecoin əməliyyatlarını dəstəkləyəcək, lakin bankın fəaliyyətə başlaması üçün hələ son tənzimləyici təsdiqlər, o cümlədən OCC-nin yekun təsdiqi gözlənilir. Bu addım ABŞ-da GENIUS Aktı kimi federal çərçivələrin yaradılması fonunda baş verir.

OCC (Ofis of the Comptroller of the Currency) Sony Banka şərti təsdiq verib, eyni zamanda digər şirkətlərə də oxşar təsdiqlər təqdim olunub. Bu, ABŞ-da stablecoin bazarının rəsmi şəkildə tənzimlənməsi istiqamətində mühüm addımdır.

Sony Bankın bu addımı oyun və anime sektorunda ödənişlərin sürətlənməsi və təhlükəsizliyinin artırılması ilə nəticələnə bilər. Yeni filialın açılması həmçinin ABŞ-da rəqəmsal valyutaların gündəlik həyata inteqrasiyasını sürətləndirəcək və həm istifadəçilər, həm də bizneslər üçün yeni imkanlar yaradacaq.