Telegram messencer platforması cari ilin əvvəlindən 20,9 milyondan çox kanalı bloklayaraq rekord göstəriciyə nail olub. Bu məlumatlar Telegram-ın rəsmi saytında dərc edilmiş statistik göstəricilərdə öz əksini tapıb. Day.Az bu xəbəri Gazeta.ru-ya istinadən yayımlayıb.

Bloklanan kanalların bu qədər böyük sayda olmasının dəqiq səbəbləri göstərilməsə də, adətən bu cür tədbirlər platformanın qaydalarını pozan kanallara və ya qruplara qarşı tətbiq edilir. Qaydaların pozulması halları arasında spam yayımı, fırıldaqçılıq və ya qeyri-məqbul məzmun yer alır. Məsələn, bir neçə gün öncə Telegram-ın rəhbəri Pavel Durov, şantaj və doksinq (şəxsi məlumatların yayılması) ilə məşğul olan kanal sahiblərinə qarşı tədbirlər görüləcəyini açıqlamışdı.

Cari ilin statistikasına əsasən, Telegram platformasında qaydaları pozan kanalların silinməsi ilə bağlı iki xüsusilə intensiv gün qeydə alınıb. 27 iyul tarixində platforma 402 mindən çox kanal və qrupu bloklayaraq birgünlük ən yüksək göstəriciyə nail olub. Digər yüksək göstərici isə 3 iyul tarixində qeydə alınıb, həmin gün bir gündə 314 mindən çox kanal silinib.

Telegram tərəfindən həyata keçirilən bu addımlar platformanın təhlükəsizliyini artırmaq və istifadəçilər üçün daha sağlam mühit yaratmaq məqsədi daşıyır.