Teleqram messenceri Böyük Britaniyada istifadəçilərin yoxlanılması üçün real üz tanıma texnologiyasına əsaslanan rəsmi bot istifadəyə verib. Bu barədə “Durova Code” portalı məlumat yayıb. Yeni funksiya yalnız Böyük Britaniyada mövcuddur və yerli qanunvericilik tələblərini qarşılamaq məqsədini güdür. Digər ölkələrdəki istifadəçilər üçün bu yenilik hələ əlçatan deyil. Bot təsvirində qeyd olunub ki, istifadəçi şəkilləri və məlumatları yalnız cihazda emal olunur, xarici serverlərə ötürülmür. Qeyd edək ki, iyulun 25-də Böyük Britaniyada yetkinlik yaşına çatmayanları zərərli məzmundan qorumaq üçün onlayn platformalar üçün yeni qaydalar qüvvəyə minib.