Arktik Üzən Universitetin (APU-2025) ekspedisiyası Vilçek adasında yerləşən Frans İosif Torpağı arxipelaqında buzlağın anormal şəkildə sürətli geri çəkilməsini qeydə alıb. Bu barədə TASS-a “Professor Molçanov” elmi-tədqiqat gəmisindən Arktik və Antarktik Tədqiqat İnstitutunun aparıcı mühəndisi, geoloq Nikita Demidov məlumat verib.

“APU-2025 ekspedisiyası Frans İosif Torpağı arxipelaqında yerləşən Vilçek adasına endikdən sonra buzlağın sürətli geri çəkilməsini müşahidə edib. Tədqiqatçılar buzlağın mövcud vəziyyətini kosmosdan alınan görüntülərlə müqayisə edərək, son 20 il ərzində buzlaq örtüyünün iki hissəyə parçalandığını və bir neçə kvadrat kilometr sahəni açıq vəziyyətə gətirdiyini müəyyən ediblər,” - deyə Demidov bildirib.

Buzlaqdan azad olmuş dəniz terraslarında böyük miqdarda balina sümükləri aşkar edilib. Bəzi skeletlər, əsasən buzlağın kənarlarında ərimiş torpaqdan çıxanlar, yaxşı qorunmuş vəziyyətdədir. “Paleontoloji tapıntı, Avrasiyanın ən şimal arxipelaqı ərazisində son bir neçə min il ərzində dəniz səviyyəsinin sürətli dəyişiklik epizoduna işarə edir,” - deyə alim əlavə edib.

APU ekspedisiyası haqqında “Professor Molçanov” gəmisi 9 iyul tarixində Arxangelskdən yola düşüb və APU-2025 ekspedisiyası 1 avqusta qədər davam edəcək. Layihənin sponsorları və tərəfdaşları arasında RF Elm və Ali Təhsil Nazirliyi, VTB bank (baş sponsor), Rusiya Coğrafiya Cəmiyyəti, “Norilsk Nikel” ASC və MFTİ bazasında “Üzən Universitet” koordinasiya mərkəzi yer alır.