DxOMark laboratoriyasının mütəxəssisləri Vivo X200 Ultra flaqman smartfonunun kamerasını test edərək, cihazı kamerofonlar arasında 167 bal ilə qiymətləndiriblər. Bu nəticə smartfonu dünyanın ən yaxşı kamerofonları siyahısında ikinci yerə yüksəldib. Vivo X200 Ultra yalnız Oppo Find X8 Ultra modelindən (169 bal) geri qalır. Bununla yanaşı, ən yaxın rəqiblər daha aşağı qiymətlər alıblar: Huawei Pura 70 Ultra - 163 bal, iPhone 16 Pro Max - 161 bal, Xiaomi 15 Ultra - 159 bal və Samsung Galaxy S25 Ultra - 151 bal.

DxOMark-ın qiymətləndirməsinə görə, Vivo X200 Ultra-ın əsas üstünlükləri yüksək dəqiqlikli və sürətli autofokus, portret rejimində təbii dərinlik ötürməsi, balanslı ekspozisiya və kontrast, həmçinin bütün zoom səviyyələrində yüksək detallaşdırma olmuşdur.

Smartfonun flaqman kamerası Zeiss şirkəti ilə əməkdaşlıq çərçivəsində hazırlanıb və üç sensorla təchiz edilib: iki sensor 50 MP, üçüncüsü isə 200 MP çözünürlükdədir.

Vivo X200 Ultra rəsmi olaraq yalnız Çin bazarında təqdim edilib. Bununla belə, cihazdan Çin hüdudlarından kənarda da istifadə etmək mümkündür. Google xidmətləri və digər tanış tətbiqlər problemsiz işləyir. Hətta cihazda rus dili dəstəyi və Android Auto funksiyası da mövcuddur.

Qeyd edək ki, bundan əvvəl Google-un qatlanan smartfonunun istehsal problemləri səbəbindən vaxtında satışa çıxarılmayacağı barədə məlumat verilmişdi.