Yaponiyanın ən böyük universitetlərindən biri bir neçə yerli şirkətlə birgə əməkdaşlıq edərək yeni nəsil insanabənzər robotların hazırlanması üzərində işləyəcək. Bu robotlar təbii fəlakətlərin nəticələrinin aradan qaldırılması və xilasetmə işlərində istifadə olunacaq. Bu barədə Kyodo agentliyi məlumat yayıb.

Layihə çərçivəsində Vaseda Universiteti Murata, Tmsuk və Sre Holdings şirkətləri ilə birgə üç metr hündürlükdə və 300 kiloqram ağırlığında insanabənzər robotların hazırlanmasını nəzərdə tutur. Bu robotlar saatda 5 kilometr sürətlə hərəkət edə və 100 kiloqramdan çox yük qaldıra biləcək. Onların əsas vəzifəsi, zəlzələlər və digər təbii fəlakətlər nəticəsində yaranan dağıntıların aradan qaldırılması olacaq. Yaponiya mütəmadi olaraq belə təbii fəlakətlərlə üzləşdiyi üçün bu robotların böyük əhəmiyyəti olacaq.

Gözlənilir ki, test modeli artıq 2026-cı ilin sonuna qədər hazır olacaq və kütləvi istehsal 2029-cu ildə başlayacaq. Yapon mütəxəssislər bu layihə ilə, vaxtilə əfsanəvi Asimo robotunu yaradan ölkənin, robototexnika sahəsindəki liderliyini bərpa etməyi ümid edirlər.