ABŞ Ayda yerləşmə yarışında lider olmaq məqsədilə atom elektrik stansiyası qurmağı planlaşdırır. Bu barədə NASA-nın müvəqqəti rəhbəri Şon Daffi məlumat verib. Daffi, ABŞ və Çin arasında Ayın araşdırılması uğrunda yarışın davam etdiyini vurğulayıb. Onun sözlərinə görə, Ayın müəyyən bir hissəsi, orada buz və günəş işığının mövcudluğu səbəbindən ən uyğun yer hesab edilir. "Biz o əraziyə ilk olaraq çatmaq və onu Amerika üçün təmin etmək istəyirik," deyə Daffi bildirib.

Atom elektrik stansiyasının Ayda qurulması, gələcəkdə Marsın araşdırılması üçün də mühüm əhəmiyyət daşıyır. Bundan əvvəl "Politico" qəzeti, ABŞ-ın Çin və Rusiyanın planlarına qarşı olaraq Ayda ilk atom elektrik stansiyasını qurmağı planlaşdırdığını bildirmişdi.