Çin Xaynan əyalətində süni intellekt texnologiyası ilə təchiz edilmiş durian keyfiyyət yoxlama sistemi istifadəyə verilib. Bu yeni sistem, durianın içərisini açmadan onun yetişmə səviyyəsini, keyfiyyətini və digər problemlərini dörd saniyə ərzində dəqiqliklə müəyyən edə bilir. Xaynanın Sanya şəhərində 2025-ci ilin iyulun 19-da keçirilmiş "Durian İstehsalı və Satışı üzrə Əməkdaşlıq" tədbirində FD3 adlandırılan bu ağıllı cihaz ictimaiyyətə təqdim olunub. FD3 durian keyfiyyət yoxlama sisteminin əsas hissəsi, qida təhlükəsizliyi üçün uyğun X-ray texnologiyası ilə süni intellektin dərin öyrənmə imkanlarının birləşməsindən ibarətdir. Layihə rəhbəri Fang Yuanın verdiyi məlumata görə, cihazın dəqiqlik səviyyəsi artıq 95%-ə çatıb. Sistem işə davam etdikcə və daha çox məlumat topladıqca, süni intellekt modeli özünü təkmilləşdirərək daha yüksək dəqiqlik göstərə biləcək. Bu texnologiya durian istehsalçıları üçün məhsul keyfiyyətinin artırılması və istehlakçılar üçün daha yaxşı seçim imkanları yaratmaq məqsədini güdür.