Xiaomi-nin REDMI brendi yeni smartfonunun təqdimatını anons edib. Hazırda təqdim olunacaq cihazın adı və dəqiq təqdimat tarixi açıqlanmayıb. Lakin REDMI tərəfindən yayımlanmış posterdə smartfonun yan hissəsi və "mAh" yazısı görünür. Bu işarə cihazın böyük həcmli batareyaya sahib olacağını göstərir. Bəzi insayderlərin fikirlərinə əsasən, bu yeni smartfon REDMI 15 modeli ola bilər. Bununla bağlı rəsmi təsdiq olmasa da, yaxın zamanda cihazın xüsusiyyətləri və təqdimat tarixi dəqiqləşəcək.